“Қызылжар” футбол клубы ірі есеппен ұтылды! Солтүстікқазақстандық ұжым қонақта шымкенттік “Ордабасы” командасынан жеңілді. Қорғаныста да, шабуылда да сауатты ойын өрнегін көрсеткен алаң иелері теріскейліктердің қақпасына жауапсыз 3 гол соқты. Кезекті жеңілістен кейін петропавлдықтар турнирлік кестенің 11-ші сатысына тұрақтады. Ендігі ойын қыркүйектің 5-і күні өтеді. “Қызылжар” жігіттері “Қарасай” стадионында Атыраудың намысын қорғайтын аяқдоп шеберлерін қабылдайды.
Байболат Култанов