Облыс әкімдігінде ҚР Президентінің атынан жаңа Конституцияның арнайы басылымдарын салтанатты түрде табыстау рәсімі өтті. Оның барысында өңір жетекшісінің орынбасары Жүсіп Жұмағұлов сөз сөйлеп, жиналған қауымды құттықтады. Іс-шараға облыстық мәслихат депутаттары, Ардагерлер кеңесінің мүшелері, үкіметтік емес ұйымдардың жетекшілері, қоғам қайраткерлері мен зиялы қауым өкілдері қатысты.
МҰРАТ ҚАРАЖҰМАНОВ, Қазақстанның Еңбек Ері:
— Бүгінгі отырыста Ата заңымыздың қабылдануы жайлы айтты. Бұл еліміз бен жастар үшін маңызды.
ДАРИҒА СМАЙЫЛОВА, облыстық қоғамдық кеңестің мүшесі:
— Жастар үшін бұл – өте маңызға ие құжат. Алдағы уақытта осы Конституция заңдарын ұстануға тырысамыз.