Солтүстікқазақстандық футболсүйер қауымның қуанышы көпке созылмады! Бұған дейін талдықорғандық “Жетісуді” жеңген петропавлдық “Қызылжар” қостанайлық “Тобылдан” жеңілді. Ел біріншілігінің ХІІІ туры аясында сырт алаңда өткен матч 2 де 0 есебімен аяқталды. Қарсыластарымыз теріскейлік қорғаушылар мен қақпашыны 54-ші және 57-ші минуттарда қапы қалдырды. Бұл жеңілістен кейін жергілікті команда турнирлік кестенің 10-шы сатысына сырғыды. Ендігі ойын маусымның 17-сі күніне белгіленген. Кезекті матч Алматы қаласында “Қайрат” клубына қарсы өтеді.
