Айыртау ауданында жаға ұстатарлық жағдай тіркелді! Саумалкөл ауылындағы серіктестіктердің бірінде еңбек ететін екі адамның денесі кәріз құдығынан табылды. Болжам бойынша 76-шы және 78-ші жылғы мамандар жұмыс барысында төменге түсіп, газға уланып қалған.
АЗАТ КӨШЕРБАЕВ, ҚР ЕХӘҚМ Мемлекеттік еңбек инспекциясы комитеті СҚО бойынша департаменті басшысының орынбасары:
— Екі жұмысшы қаза тапты: слесарь және электрик. Жұмысшы беруші департаментке жүгінді. Оқиғаның жай-жапсарын тексеретін комиссия құрылады.
Қоса кету керек, бұл – ағымдағы жылы өңірімізде жұмыс барысында тіркелген сегізінші жайсыз жайт. Департамент ұсынған ақпаратқа сүйенсек, өндіріс кезінде екі адам ажал құшып, жеті адам жарақат алған.