Скандинавиялық антициклонның сілемі еліміздің солтүстігінде, шығысында және орталығында жауын-шашынсыз, біршама салқын ауа райын сақтайды.
Синоптиктердің мәліметінше, еліміздің батысы мен оңтүстігінде тұрақсыз ауа райы болжанады: жаңбыр жауып, найзағай ойнайды, ал оңтүстік облыстардың таулы аймақтарында жаңбыр мен қар түріндегі жауын-шашын түсіп, желдің күшеюі мүмкін. «Республика бойынша түнгі және таңғы уақытта тұман түсуі ықтимал. Күндіз батыста, солтүстікте және орталықта ауа температурасы 15-23 градусқа дейін көтеріледі, шығыста 10-18 градус жылы болады, ал оңтүстік пен оңтүстік-шығыста 17-28 градусқа дейін жылынады», – делінген «Қазгидромет» хабарламасында.
https://azattyq-ruhy.kz/news/106610-elimizde-aldagy-demalys-kunderi-28-gradus-zhyly-bolady