Бұл мәселе Энергетика министрі Ерлан Ақкенженовтің төрағалығымен өткен кеңесте қаралды.
Жылына 5 млрд м³ газ өңдейтін зауыт елдің ішкі сұранысын қамтамасыз етуге және импортқа тәуелділікті азайтуға бағытталған стратегиялық жоба болып саналады.
Қазіргі уақытта жобаның экономикалық тиімділігі расталып, Қытайдың CITIC Construction компаниясымен ынтымақтастық келісімі жасалды. Базалық жобалау кезеңіне дайындық жүріп жатыр. Жобаның бірыңғай операторы болып QazaqGaz белгіленді.
Министр келіссөздердің созылуы құрылысқа кедергі келтіріп отырғанын атап өтіп, жобаны жедел іске асыруды тапсырды. Шикі газ жеткізу, баға белгілеу және инфрақұрылымға интеграция мәселелерін тез шешу қажеттігі айтылды.
Жоба ұлттық мүддеге сай тиімді жүзеге асырылып, оның орындалуы ерекше бақылауға алынды.
https://inbusiness.kz/kz/news/qazaqgaz-karashyganaktagy-gaz-ondeu-zauytynyn-biryngaj-operatory-bolady