Петропавлда синтетикалық есірткі таратты деген күдікпен 19 жастағы жігіт ұсталды. Құрықтау кезінде одан ішіне ұнтақ тәрізді зат салынған 19 орама тәркіленді. Сараптама нәтижесінде тәркіленген дүниенің a-PVP деп аталатын психотроптық зат екені анықталды. Синтетикалық есірткінің салмағы 35 грамды құрайды. Қазір аталған фактіге қатысты сотқа дейінгі тергеп-тексеру шаралары жүргізілуде. Күдікті интернет-дүкендердің біріне “жасырын орналастырушы” ретінде бір ай бұрын жұмысқа жалданған. Жігіт қамауға алынды. Есірткі заттарын аса көп мөлшерде өткізу фактісі бойынша 7 жылдан 12 жылға дейін бас бостандығынан айырылуы мүмкін. Жалпы, полицейлер жыл басынан бері заңсыз айналымнан 350 грамнан астам синтетикалық наша тәркіледі.
