ҰОС және ІІО ардагері Джура Кобелевтің ұрпағы облыстық полиция департаментінің музейіне бас сұқты. Майдангердің ТМД елдерінде балалары, немерелері мен шөберелері тұрады. Барлығы – 12 адам өңірге аталарының рухына тағзым ету үшін келген. Облыстың ішкі істер органдарында 700-ден астам соғыс ардагері қызмет еткен екен. Солардың бірі – Джура Кобелев 102 жыл өмір сүрген. Ведомстволық музейде қарт майдангердің ұрыс даласында және соғыстан кейін алған марапаттары сақтаулы тұр. Олардың бәрін музейге тұңғыш қызы табыс еткен. Джура Кобелев – Өзбекстанның тумасы, соғысқа 41-ші жылы аттанған, Сталинград түбіндегі шайқасқа қатысқан.
Данаш Хамза