Тың дерек жария етілді! Төтенше жағдайлар департаментінің мамандары су тасқынына қарсы жүргізіліп жатқан жұмыстармен бөлісті. Өткен тәулік ішінде өңірдегі көшелер мен үй маңдарынан 34 мың текше метрден астам су сорылды, 4 шақырымға жуық арық тазаланды, 3580 құм салынған қап дайындалды. Таңертеңгі 9-дағы жағдай бойынша 15 жол учаскесін су шаю жайты тіркелді. Бүгінде теріскейліктерге жергілікті және облыстың 5 ауданына бөлінген түркістандық құтқарушылар көмек көрсетіп жатыр.
Байболат Құлтанов