Өңірде су тасқынына қарсы жұмыс белсенді түрде жүргізіліп жатыр. Мәселен, мына бейнежазба Тимирязев ауданынан жолданды. Мұнда экскаватордың көмегімен еріген қар суының ары қарай өтіп кетуі үшін арық қазылып жатыр. Сондай-ақ, Тайынша, Ғ.Мүсірепов, Уәлиханов және Айыртау аудандарында қарғын сумен күреске 12 техника мен 7 жедел әрекет ету тобы жұмылдырылған. Облыс бойынша барлығы – 175 мың текше метр су сорылып алынды. Қалада 12 үйді су басады деген қауіп сақталып отыр. Қазіргі таңда аталған үй маңындағы жағдай – төтеншеліктердің бақылауында. Өңірде 2400-ден астам су өткізгіш құбыр мен 252 шақырым арық тазаланған. Құмға толы 35 мыңға жуық қап әзірленді. Облыста 3 ауданда жолды су басу жағдайы тіркелді. Тасқын сумен күрес жалғасуда.
Гүлден Сембаева