“Біз үшін жоғары оқу орнының әрбір студентінің цифрлық сауаттылықтан басқа жасанды интеллект саласында сауаттылығы болуы өте маңызды. Сондықтан Google компаниясымен бізде арнайы курс әзірленді. Биылғы жылы 14 университетте біз оны пилоттық түрде іске қосамыз”, – деді ғылым министрлігінің басшысы Саясат Нұрбек.
Оның айтуынша, тізімге жеті жеке және жеті мемлекеттік жоғары оқу орны, соның ішінде ҚБТУ, СДУ, Сәтбаев Университеті және басқалары кірді. Оларда, министр атап өткендей, профессор-оқытушылар құрамын даярлаудың жақсы стандарттары бар. Келесі жылдан бастап пилоттың қорытындысы бойынша курс барлық ЖОО студенттері үшін міндетті болады.