Ел Президенті “Ашық НҚА” порталында орналастырылған Жарлықтың тиісті жобасын бекітті. Комитет активтерді аудитпен және бағалаумен, оларды сатып алу көздерінің заңдылығын тексерумен, сондай-ақ активтерді қайтару мәселелері бойынша өтініштерді қараумен айналысатын болады. Комитетті қаржыландыру республикалық бюджеттен және арнаулы мемлекеттік қордан жүзеге асырылатын болады. Комитет төрағасын Бас прокурордың ұсынысы бойынша Президент тағайындайды және қызметтен босатады.
