ҚР Премьер-министрі Әлихан Смайыловтың төрағалығымен республикалық штабта тұрғын үй-коммуналдық шаруашылық инфрақұрылымын кешенді жаңғырту мәселелері талқыланды.
Кеңесте Қазақстандағы ТКШ инженерлік желілерінің тозуын 20% – ға төмендетуге мүмкіндік беретін “Инвестиция орнына Тариф” бағдарламасын енгізу талқыланды. 145 мың шақырымнан астам желіні жөндеу жоспарлануда, бұл қызметтердің сапасын жақсартады және авариялық ажыратуларды азайтады. Сондай-ақ, аз қамтылған азаматтарды әлеуметтік қолдау шаралары талқыланды.
Премьер-Министр Әлихан Смайылов жаңғырту мен күрделі жөндеуді жедел бастауға шақырды.
“Сіздер Президент пен халық тарапынан көрсетілетін қызметтердің сапасына қатысты әділ сынды үнемі еститінімізді білесіздер. Алдағы жылыту маусымында өткен қыстың төтенше жағдайына жол бермеу керек. Сұраныс қатаң болады”, – деді Әлихан Смайылов.