Қала мен ауыл баласының білім алуындағы айырмашылық. Қоғамдағы өзекті мәселені шешу үшін «Өрлеу» біліктілікті арттыру орталығының мамандары монография әзірлепті. Сиясы әлі кеуіп үлгермеген еңбек бүгін онлайн форматта 100-ден астам ұстазға таныстырылды. Оқулықта жаңа әдіс-тәсілдер сөз болатын оқыту курстарының зор пайдасы жазылған.
ЛЕЙЛА ӘЛМАҒАМБЕТОВА, “Өрлеу” БАҰО” АҚ СҚО бойынша филиалының директоры:
– Біздің презентациямызда мұғалімдер жоспарлауы қажет, қолдануы қажет тақырыптар көтеріледі. Мұғалімдер түрлі семинар, курстарға қатысып, дамулары қажет.
Монография 3 бөлімнен тұрады. Олардың әрқайсысында баланың білімге деген қызығушылығын арттыру жайлы жазылған. Ауыл мұғалімдері үшін пайдалы мәлімет молынан.
АЛМА МЫРЗАЛИНОВА, педагогика ғылымдарының докторы:
– Бұл монографияда «Ауыл мектебі» атты бөлім бар. Онда елді мекендегі ұл-қыздардың білім деңгейін арттыру үшін мұғалім ғана емес, әкімшілік те маңызды рөл атқаратындығы жазылған. Басшылық ұстаздардың жаңашылдықты танып-білуге, тәжірибе жүзінде сынауға жағдай жасау қажет. Сонда ғана нәтиже болады.
Монографияның электронды нұсқасы аудандық, қалалық білім бөлімдеріне жіберілді. Олар еңбекті ұстаздар арасында тарататын болады.
Гульден Симбаева