Швеция еліндегі Эстерсунд қаласында өтіп жатқан әлем чемпионатында шаңғышы Ербол Хамитов парабиатлоннан қола жүлде иеленді. Ол 7,5 км қашықтықты 25 минутта бағындырған. Жарыстың мәре сызығын бірінші болып канадалық спортшы 24-ші минутта кесіп өтті. Екінші орынды АҚШ елінің спортшысы иеленді. Айта кетейік, жарысқа әлемнің түкпір-түкпірінен 102 спортшы қатысып жатыр. Елімізден 7 спортшы бағын сынауда. Чемпионат қаңтардың 29-ына дейін жалғасады.
Гульден Симбаева