Өңір полицейлері еңбегімен ерекшеленген белсенділерге алғыстарын білдірді. Халықаралық еріктілер күніне орай өңірдегі еріктілер ұйымдарының белсенділері облыстық полиция басшылығының алғыс хаттарымен марапатталды.
Полиция департаментінде өткен салтанатты шарада 10-нан астам жас марапатқа ие болды. Жас та болса олардың еңбегі ерен. Олар тәртіп сақшыларына бірнеше бағытта көмек көрсеткен. Соның бірі – жоғалған адамды іздестіру.
Қанат Айтбаев, СҚО ПД бастығының міндетін атқарушы:
– Жоғалған адамдарды іздеуге белсенді қатысасыздар. Пандемия кезінде де бірге жұмыс істедік.
«LIDER.KZ», «Ашық жүрек», «Қамқор», СҚО-ның іздеу жасағы, Петропавл қаласының жастар ресурстық орталығы. Осы және өзге де ұйым өкілдері биыл есірткіге қарсы күреске бағытталған 100-ге жуық шара ұйымдастырды. Наша жарнамаланған 60-тан астам жазбаның көзін жойған. Сондай-ақ, еріктілер іздеу жарияланған адам жайлы ақпар таратып, халық арасында сауалнама жүргізуге қатысады.
Самал Жунусова