Құтқрушылар Уәлиханов ауданында басқа сценарий бойынша әрекет етті. Кішкенекөл ауылының тұсында кетіп бара жатқан көліктен өрт шықты. Ішінде адам қалып қойған. Мамандар көліктің есігін бұзып, ішіндегі адамды аман-есен алып шықты. Оған алғашқы медициналық көмек көрсетілді. Сондай-ақ, құтқарушылар боранда тоқтап қалған автобустағы жолаушыларды эвакуациялады. Жолға шыққан жандар мектептегі жылыту қосынына орналастырылды. Бұл жаттығулар “Қыс-2022” республикалық командалық-штабтық шаралары аясында өткізілді. Осылайша, мамандар техника мен өздерінің дайындықтарын пысықтады.
Гульден Симбаева