«Qulager» хоккей клубы өз айдынында елордалық «Астана» құрамасын қабылдады. Дода жастар арасындағы Қазақстан чемпионаты аясында өткізілді.
Төреші шайбаны тастаған бетте теріскейліктер бірден шабуылға көшті. Осы қарқынмен жерлестеріміз ойынның 4-ші минутында есеп ашты. Голдың авторы – Ерлан Ербатыров. Тағы 4 минуттан соң қарсылас команда есепті теңестірді. Қарсыластардың соңынан үлгеру қиын екен дейді “Qulager”-дің шабуылшысы Данила Букарь.
ДАНИЛА БУКАРЬ, «Qulager» ХК шабуылшысы:
– Бір-бірімізге дес берер емеспіз. «Астана» құрамасы өте шапшаң екен. Оларға қарсы ойнау қиынға соғуда.
Бұл кездесуде жерлестеріміз ширақ көрінеді. Алғашқы кезең 2:1 есебімен аяқталды.
БЛИЦ,
– Кездесу жақсы өтіп жатыр. Құлагерліктер осы қарқыннан таймаса бүгін жеңіске жетеміз.
– Жергілікті команданың ойын өрнегі көңілден шығады.
Кездесуден ерекше әсер алдық. Жеңіске жетеміз деген үміттемін.
Екінші кезеңде де екі жақ бір-біріне дес берер емес. Есеп 2:1 күйінде ұзақ тұрды. Алайда, астаналықтар еселерін қайтарды. Ойынның ең қызығы осы жерде басталды.
Сайыс соңында теріскейлік команда астаналық құраманы 5:3 есебімен тізе бүктірді. Ертең сағат 14:00-де қос команда мұз айдынында қайта кездеспек.
Самал Жунусова