«Qyzyljar» футбол клубы сырт алаңда жеңілді. Бұл жолы жергілікті ұжым жігіттері ақтөбелік аяқдоп шеберлеріне есе жіберді. Қобыланды батыр атындағы стадионда өткен матч 1 де 0 есебімен аяқталды. Теріскейліктерге ұпай еншілеуге тамаша мүмкіндік болған. Алайда, кездесу соңында қарсылас команда ойыншысы «Qyzyljar»-дың қақпасынан саңылау тапты. Кезекті жеңілістен кейін «Qyzyljar» турнирлік кестеде төмен сырғып, қауіпті аймаққа жақындады. Ендігі қарсыластары – шымкенттік “Ordabasy”. Кезекті тур аясындағы ойын қыркүйектің 11-і күні Петропавлда өтеді. Матч 16:00-де басталады.
Гульден Симбаева