Судьялар іріктеуден өтті

МТРА жаңалықтары

18:40 25 Тамыз 2022

 

Солтүстік Қазақстан облыстық сотында судьялыққа үмітті теріскейліктердің кандидатураларын талқылау бойынша кеңес өтті. Фемида өкілі атану үшін 21 адам өтініш білдіріпті. Алайда, бүгінгі жиынға тек 4-еуі келіп отыр. Талап қатаң. Қоғам белсенділері де мүшелік ететін арнайы топ әр үміткердің мінездемесін, өміржолын жіті қарайды. Қандай да бір салада жеткен жетістіктерін қағазға түртіп алады.

ҚАЗЫКЕН ДОСАНОВ, СҚО сотының отставкадағы судьясы:
– Үміткердің айыппұлы немесе қандай да бір заң бұзушылыққа қатысы болса, ол келесі кезеңге өтпейді. Менің тәжірибемде мұндай жағдай болды. Кандидат аса маңызды деректі жария еткісі келмеді. Алайда, біз оның өміржолын жіті қарап, құқық бұзушылыққа қатысы барын анықтадық.

Азамат Оқышев – судьялыққа үміткер. 32 жастағы жерлесіміз еңбек жолын құқық қорғау саласынан бастапты. Арманы – әділ судья болу.

АЗАМАТ ОҚЫШЕВ, судьялыққа үміткер
– Көкшетаудағы Шоқан Уәлиханов атындағы университетті тәмамдадым. 2 жоғары білімім бар. Құқық қорғау саласында тәжірибем де мол. Судья болғым келеді. Бүгінгі қоғамдық кеңеске дайындалып келдім. Жолым болады деп ойлаймын.

Қоғамдық кеңес бірнеше сағатқа созылды. Соңында арнайы топ өкілдері барлық үміткердің өтініші мақұлданғанын хабарлады. Бірақ, бұл кандидаттардың барлығы бірдей судья болады дегенді білдірмейді. Жерлестеріміз тағы бірнеше кезеңдік іріктеуден өтеді. Жолы болғандар еліміз бойынша бос орындарға тағайындалады.

Гульден Симбаева

Бұдан әрі оқыңыз

Жолдау жайлы пікір
Ахмет Байтұрсынұлының туғанына – 150 жыл
МТРК жаңалықтары 19.09.2022
Депутат пікірі
МТРК жаңалықтары 09.09.2022
МТРК жаңалықтары 12.09.2022
Отбасылық зорлық-зомбылық қылмысы үшін жаза күшейтілмек
МТРК жаңалықтары 15.09.2022
2025 жылға дейін елдегі жолдардың кемінде 95 пайызы жақсаруы тиіс
МТРК жаңалықтары 26.09.2022
Зауыт еңбеккерлері Жолдауға қатысты өз ойларын білдірді
Облыс аумағында 4 күнде 12 қару тәркіленіп алынды