Қыстың қамын жаз ойла

МТРА жаңалықтары

19:04 16 Тамыз 2022

 

Бұл – Аққайың ауданындағы Лесное және Власовка ауылдарының шабындық алқабы. Мұнда «Дайындық-Агро» серіктестігінің техника тізгіндеген қызметкерлері мал азығын әзірлеуде. Мамандарда тоқтап, тізе бүгетін уақыт жоқ. Қолайлы ауа райын барынша пайдалану қажет. Бүгінге дейін олар 4 мың тоннаға жуық пішендеме дайындапты. Келесі кезекте – сүрлем.

АЗАМАТ САҒЫНДЫҚОВ, «Дайындық-Агро» ЖШС бас агрономы, Аққайың ауданы:
– Көріп тұрғандарыңыздай, артымыздағы алқапта күнбағыс пен жүгері өсірілген. Соларды жатпай-тұрмай жинап жатырмыз. Іспен арнайы бригада айналысуда. Биыл танаптарға судан шөбін де ектік. Сонымен қатар, дәнді қоспалар өсірілді. Соңғы аталған өнім жануарлардың денсаулығына аса пайдалы әрі сүтті де молайтады.

 

«Дайындық-Агро» серіктестігі елді мекен тұрғындарын ұмыт қалдырмайды. Яғни төрт түлік ұстайтындарды жем-шөппен қамтамасыз етеді. Бір орам шөп 3000 теңге тұрады. Бұл нарықтағы бағадан әлдеқайда төмен.

АЗАМАТ САҒЫНДЫҚОВ, «Дайындық-Агро» ЖШС бас агрономы:
– Біз жұмысшылар мен ауыл тұрғындарына шөпті жеңілдетілген бағамен сатамыз. Зейнеткерлерге де тиісті жағдай жасаймыз. Биыл мал ұстайтын әр үйге 300 келіден 20 орам шөп таратылды. Сонда бір баспанаға 6 тонна азық дайындадық.

Серіктестік малға арнап сұлы, арпа мен зығыр да еккен. Соңғысы өңдеуге жіберіліп, күнжар алынады. Осылардың барлығын қоса есептесек, шаруашылықтағы және үйдегі төрт түлік қыстыгүні құнарлы жем-азықпен қамтамасыз етілмек.

Бұдан әрі оқыңыз

МТРК жаңалықтары 21.09.22
Жасыл алаңдағы жолдастық кездесу
МТРК жаңалықтары 12.09.2022
МТРК жаңалықтары 30.09.2022
МТРК жаңалықтары 07.09.2022
МТРК жаңалықтары 15.09.2022
МТРК жаңалықтары 19.09.2022
МТРК жаңалықтары 06.09.2022
МТРК жаңалықтары 09.09.2022
МТРК жаңалықтары 08.09.2022
МТРК жаңалықтары 27.09.2022
МТРК жаңалықтары 16.09.2022