Петропавлдағы 338 көпқабатты үй жылыту маусымына әзір

МТРА жаңалықтары

18:54 3 Тамыз 2022

Қазір нағыз шана сайлар шақ. Жаймашуақ ауа райын пайдаланып жеке тұрғын үй секторында тұратын адамдар отын мен көмір алуда. Ал орталық жылыту жүйесіне қосылған көпқабатты үйлердің тұрғындары құбырларды жуып-жаю жұмыстарын жүргізуде. Бұл – Амангелді көшесіндегі 60-шы баспана. Мұнда маңызды шаруа түскі 2-де бастау алды

АЙСҰЛУ ТӘУКЕЛОВА, “СҚО Амангелді 160” МИБ төрайымы
– Өткен жылы тұрғындар жиналып, бойлерді толық ауыстырдық. Биыл жылыту желісінде ешқандай ақау жоқ. Дегенмен, құбырларды жуып-шаю жұмыстарын жүргізудеміз. Бұл – маңызды шаруа. Іске тұрғындар аса жауапкершілікпен қарайды. Негізі, алдағы қауырт маусымға дайындықты өткен жылыту кезеңі аяқтала салысымен бастадық.

Бүгінде жылыту маусымына қаламыздағы көпқабатты үйлердің 28% пайызы дайын. Яғни, Петропавлдағы 1115 нысанның 338 жұмыстар жүргізілген, тиісті паспорт берілген. Айта кетейік, аталған шаруа қыркүйек айына дейін аяқталуы тиіс.

ӘСЕМ АЙТУЛОВА, қалалық ТҮКШ, жолаушылар көлігі және автомобиль жолдары бөлімінің баспасөз хатшысы
– Өткен жылы жылыту маусымына көпқабатты үйлердің 97% дайын болды. Көпқабатты үйлер тұрғындардың иелігінде болғаннан кейін жылыту маусымына олар өздері дайындалу керек. Яғни, өткен жылғы жылыту маусымы аяқталғаннан кейін ОСИ, КСК төрағаларымен бірге жиын өткізіп, алдағы қауырт маусымға дайындықты пысықтаулары тиіс. Тиісті жұмыстарды тұрғындар өз қаражаттарына жасайды.

Қазіргі таңда қаламызда жылыту жүйелері мен құбырларды жуып-шаюмен айналысатын 10-ға тарта ұйым бар. Олардың әрқайсысы күніне 2 үйге қызмет көрсете алады.

Алдияр Айтпаев

Бұдан әрі оқыңыз

Қазақстанда цифрлық теңге айналымға енгізілмек
Жол-көлік апатында зардап шеккен скутерші ауруханаға түсті
Қызылжарлық диқандар тамыздың ортасынан орақ науқанына кіріседі
МТРК жаңалықтары 02.08.2022
Бос орындар жәрмеңкесі енді онлайн режимде ұйымдастырылады
Ұлт денсаулығы – ел байлығы
Көптен күткен жол
МТРК жаңалықтары 21.07.2022
Жыл басталғалы өңір полицейлері 600-ден астам мас жүргізушіні ұстады
МТРК жаңалықтары 01.08.2022
Ташкентка ауылының тұрғындары таза ауызсумен қамтылды
Қысқа қазірден қамдан!