Полицияға аулада жасөспірімдер жиналып алып ішімдік ішіп отыр деп қала тұрғындарының бірі хабарласқан. Тексеріс барысында 14 жастағы баланың масаң күйде екені анықталды. Жасөспірім жаттығудан шықан соң сыра ішкен.
ЛЮФТ:
– А зачем ты тогда глоток пива делал? А родители знают, что ты после тренировок пошёл гулять?
Кәмелетке толмаған баланың ата-анасы жұмыста болған. Мамандар жасөспірімнің тұрғылықты жері бойынша тексеріс жүргізіп, ата-анасымен профилактикалық әңгіме жүргізді.
Константин Петров, қалалық ПБ ЖПҚБ бөлімше бастығының міндетін атқарушы
– Жаз кезінде біз рейдтік іс-шараларды күшейтеміз. Жасөспірімдер түнгі уақытта ата-ана қарауынсыз көше кезеді, ойын-сауық орталықтары, дәмханалар мен компьютерлік клубтарда көп отырады. Осы ретте айта кетейін, кәмелетке толмағандар сағат 22:00-ден таңғы 6-ға дейін заңды өкілдерсіз жүрген жағдайда әке-шешесіне ҚР ӘК 442-бабы 1-тармағына сәйкес хаттама толтырылады. Ересектерге 3 АЕК көрсеткіш көлемінде айыппұл салынады.
Петропавлда жасөспірімдердің ішімдік ішу жағдайлары жиілеп барады. Биыл облыс орталығында спирттік өнім тұтынған 40 бала анықталыпты. Сондай-ақ, кәмелетке толмағандардың түнгі уақытта жүргені үшін 426 заңды өкіл жауапқа тартылған. Түнде жасөспірімдердің кіруіне рұқсат еткен 12 ойын-сауық орнының иелеріне айыппұл салынды.
Дана Ешкенова