Аудандық полиция қызметкерлері Ұлттық қауіпсіздік комитеті департаменті мамандарынан жеңіліп қалды. Петропавлда құқық қорғау органдары арасында шағын футболдан жарыс өтті.
Бұл – аталған сала мамандары арасында жыл сайын өткізілетін спартакиада аясындағы 5-ші спорт түрі. Дүбірлі дода “Динамо” стадионында ұйымдастырылды. Сайыс жеңімпазы – ҰҚК өкілдері. Олар айыртаулық қарсыластарынан 4 те 3 есебімен басым түсті. Айыртау ауданының тәртіп сақшылары 2-ші орынға тұрақтаса, үздік үштікті қылмыстық-атқару жүйесі департаментінің қызметкерлері тұйықтады. Жеңімпаздар кубок және грамотамен марапатталды. Тәртіп сақшылары спартакиада аясында алдағы күндері тағы 2 спорт түрінен сынға түседі.
Шоқан Асқаров , Айыртау ауданы полиция бөлімінің учаскелік полиция қызметкері
– “Бүгін ойын өте жақсы болды. Екі күн барымызды салып жүгірдік. Командамыз, бүкіл командалар жақсы болды. Қарсыластар жақсы ойын көрсетті”.
Ерлан Қабдуәлиев, СҚО ПД АЖДБ ерекше тапсырмалар жөніндегі аға инспекторы
Данаш Хамзина