Туыстарының баспаналарын жалған құжатпен саудалаған. Осындай күдікпен елордада 34 жастағы петропавлдық ұсталды. Жалдамалы пәтерде жасырынған баукеспе туыстарымен және таныстарымен байланысты үзген. Бірақ, қанша қашып, тығылғанымен оны өңір полицейлері іс-сапар барысында құрықтады. Мамандар алаяқтың орналасқан жерін анықтап, нұр-сұлтандық әріптестерімен бірге ұстаған. Қазіргі уақытта біреудің мал-мүлкіне қол сұққан теріскейлік Нұр-Сұлтан қаласының тергеу изоляторында отыр. Жалпы, жыл басынан бері криминалдық полиция қызметкерлері 30 қылмыскердің орналасқан жерін анықтап, оның 10-ын құрықтаған.
Алдияр Айтпаев