“Есірткісіз қала” акциясы

МТРА жаңалықтары

19:18 15 Маусым 2022

Есірткісіз қала. Петропавлда осындай атаумен халықаралық нашақорлыққа қарсы күрес күніне орай акция ұйымдастырылды.

Ашық аспан астында өткен шараға полиция қызметкерлері, волонтерлер мен колледж студенттері қатысты. Жиналғандар “Динамо” стадионында орналасқан жабдықтарда қауіпті парақшалардың сілтемелері бар граффити жазбаларын өшіруге кірісті. Ақцияға қатысушылардың барлығы қолдарына бояу және қылқалам алып, “street art” түрінде салауатты өмір салтын ұстану қажеттігі туралы мазмұндағы суреттер салды. Іс-шараға жастармен өзінің шеберлігімен бөлісу үшін жергілікті суретші Мәдина Бакина да шақыртылыпты.

Мәдина Бакина, суретші
– Қалада теріс парақшалардың сілтемелері жазылған жазбаларды түрлі жерде кездестіруге болады. Олардың орнына осындай түрлі түсті, көңілді көтеретін “street art” стилінде сурет салу – жақсы идея. Біздің суреттеріміз осы стадионға келіп, спортпен шұғылданатын жастарға одан әрі мотивация береді деген ойдамын.

Маусымның 26-сы – Халықаралық есірткіге қарсы күрес күні. Осыған орай облыстық полиция департаментінің мамандары волонтерлермен бірлесіп күнделікті түрлі іс-шара өткізіп жатыр. Мұндай акциялар жастар арасында нашақорлықтың алдын алу мақсатында ұйымдастырылуда.

Жандос Басыбаев, СҚО ІІД есірткі қылмысына қарсы іс-қимыл басқармасының бастығы:
– Біз мамырдың 25-інен маусымның 26-сына дейінгі аралықта нашақорлыққа қарсы күрес айлығын өткізіп жатырмыз. Акция барысында ұл-қыздарға темекі, есірткі мен алкогольдің адам өміріне орасан зиян келтіретіндігін түсіндіреміз. Өкінішке қарай, статистика көрсетіп отырғандай қазіргі уақытта жастардың арасында синтетикалық есірткіге деген құмарлық артып барады.

Облыста жыл басынан бері есірткі қылмысына қатысты 80-ге жуық факті тіркеліп отыр. Заңсыз айналымнан 20 келіден астам наша тәркіленіпті. Оның 1 жарым келісі – синтетикалық есірткі.

Дана Ешкенова

 

Бұдан әрі оқыңыз

Тұтынушылардың құқықтарын қорғау
Мүгедектігі бар жандарды жұмыспен қамту
Болашақтың полицейі қандай болуы тиіс?Болашақтың полицейі қандай болуы тиіс?
Мемлекеттік қолдаудың көмегімен кәсібін кеңейтті
Жаңа жоба – «АНК kids» лагері
Алаяқтықтың тағы бір түрі пайда болды
Ономастика мәселесіне арналған алқа отырысы
Тұрғындар бірнеше көшенің жабылғанына наразы
5 мыңға жуық петропавлдық көлік салығын төлемеген
«Шұғыл шақырту» бағдарламасы 04.06.2022
СҚО-да жыл басынан бері 100-ден астам есірткі қылмысы анықталды
Облыс әкімі жұмыс сапарымен Мамлют ауданында болды