“Петропавл” желілік өндірістік-диспетчерлік бекетінің жұмысы

МТРА жаңалықтары

20:55 10 Маусым 2022

Жыл сайын “Петропавл” бекеті арқылы мұнай өнімдерінің ауқымды бөлігі жөнелтіледі. Сұйықтықтың сапасы – басты назарда. Мұнда тиісті тексеріс жұмысымен арнайы сынақ зертханасының қызметкерлері мұқият айналысады. Олардың негізгі міндеті – сапасыз отынды дер кезінде анықтау. Іс барысында мамандар жанармайдың 10-нан астам параметрін бағалайды. Шаруа заманауи жабдықтардың көмегімен тындырылады.

Анна Толмачёва, “Петропавл” желілік өндірістік-диспетчерлік бекеті сынақ зертханасының бастығы:
– Бізге жөнелтілетін мұнай өнімнің үлгілері ұсынылады. Оларды бірқатар параметрлер бойынша зерттейміз. Анализ барысында қателікке жол бермеу үшін әрбір үлгі бірегей нөмірді алады. Биыл қолданысқа Бірыңғай зертханалық ақпараттық жүйе енгізілді. Оның көмегімен жұмысымыздың тиімділігі айтарлықтай артты. Аталған жаңашылдық барлық құрылғы мен жұмыс орындарын біріктіріп, істі автоматтандыруға мүмкіндік береді.

Бірақ, жалғыз заманауи жабдық жеткіліксіз. Ұжымға тиісті деңгейдегі мамандар да керек. Зейінді жинақтай білу, аналитикалық ойлау, жауапкершілік пен ұқыптылық – зертханашының бойынан табылуы қажет басты қасиеттер осылар. Мұндағы мамандардың өмірінде зертхана екінші үйлеріне айналыпты.

Ольга Карпенко, “Петропавл” желілік өндірістік-диспетчерлік бекетінің химиялық талдау зертханашысы:
– Мұнда жұмыс істеп жүргеніме 25 жылдай болып қалды. Осы уақыт ішінде көп нәрсе өзгерді. Мысалы, жанармайдың сапасына қойылатын талап күшейді, техникалық құрал-жабдықтар айтарлықтай жақсарды. Біз өз кезегімізде заман талабына сай болуымыз керек. Сондықтан, оқудан өтіп, шеберлік деңгейімізді арттырамыз.

Зертхана ұжымы өз жұмысында Қазақстан мен Ресей заңнамасын, мемлекеттік стандарттар мен басқа да нормативтік құжаттардың талаптарын қатаң сақтайды. Бұл “Петропавл” бекеті арқылы тасымалданатын жанармайдың сапасын тұрақты және тиімді бақылауға, сонымен қатар, тұтынушыларды кедергісіз қамтуға кепілдік береді.

Байболат Култанов

Бұдан әрі оқыңыз

Салық заңнамасындағы негізгі өзгерістер туралы
“Бақытты отбасы” бағдарламасы аясында өтініштер қабылдау бастау алды
Бизнесмендердің базынасы
Тайынша ауданына көшкен 23 азамат өз ісін ашқан
Уәлиханов ауданының әкімі есеп берді
Жамбыл ауданы әкімінің есебі
Баспана – бас қайғы
3 жылда аяққа нық тұрған тайыншалық кәсіпкер
СҚО-да алимент төлемегендер іздестіріліп жатыр
Өңірде тағы үш жоба жүзеге асырылуы мүмкін
Архившілерге арналған семинар
Қауіпсіздік ережелері еске салынды