Жемқорлықпен күрес

МТРА жаңалықтары

21:30 9 Маусым 2022

Солтүстік Қазақстан облысында 126 тұлға сыбайлас жемқорлыққа қарсы шектеулерді бұзды. Бұл туралы Сыбайлас жемқорлыққа қарсы іс-қимыл агенттігінің СҚО бойынша департаменті басшысының бірінші орынбасары Нұрлан Жахин мәлім етті.

Мемлекеттік органда қызмет етіп жүріп, қосымша бизнеспен айналысқан жандар жауапкершілікке тартылады. ол адамдарды жұмысқа қабылдаған басшыларға да әкімішілік жаза тағайындалады.

Нұрлан Жахин, ҚР Сыбайлас жемқорлыққа қарсы іс-қимыл агенттігі СҚО бойынша департаменті басшысының бірінші орынбасары:
Кейбір тұлғаларға кәсіпкерлікпен айналысуға рұқсат етілмеген. Соның ішінде мемлкеттік қызметкерлер бар, теңестірілген мемлекеттік органдар бар. Қазіргі уақытта 126 тұлға анықталды. Олар мемлекеттік қызметке келген кезде өздерінің жеке кәсіптерін туған-туысқандарына жаздырып берулері тиіс еді. Алайда, бұл іс-әрекетті атқармаған. Мұндай фактілер бойынша әкімшілік жаза көзделген – 200 АЕК көлемінде.

Бұдан бөлек, мемлекеттік органға қызметке орналасуға келген адамды декларация тапсырмаса да жұмысқа қабылдаған жайттар анықталып отыр.

Нұрлан Жахин, ҚР Сыбайлас жемқорлыққа қарсы іс-қимыл агенттігі СҚО бойынша департаменті басшысының бірінші орынбасары:
– Мысалы, бүгінде 6 мемлекеттік қызметші әкімшілік жауапкершілікке тартылды. Қаржылық шараларды қабылдау бойынша, яғни, бұл сыбайлас жемқорлыққа қарсы заңнаманы әкімшілік тарапынан бұзғанын білдіреді. Бұндай адамдарды жұмысқа алған басшылар ҚР ӘҚБтК-нің 680-бабы бойынша жазаға тартылды.

Жыл басынан бері жергілікті департамент өкілдері ӘҚБтК-нің 154-ші бабы мен 680-ші бабы бойынша 10 әкімшілік материал толтырған. Оның ішінде 9 материал бойынша жалпы сомасы 2,6 млн теңгеден астам айыппұл салынып, 6,3 млн теңге көлемінде алынған кіріс тәркіленді және 1 іс сотта қаралып жатыр.

Дана Ешкенова

Бұдан әрі оқыңыз

МТРК жаңалықтары 09.06.2022
Қызметтік иттердің көмегімен 187 келі есірткі табылған
МТРК жаңалықтары 07.06.2022
Аққайың ауданының әкімі есеп берді
Референдумға солтүстікқазақстандықтар белсенді қатысып жатыр
Нашақорлыққа қарсы күрес күніне арналған айлық қорытындыланды
МТРК жаңалықтары 17.06.2022
МТРК жаңалықтары 21.06.2022
Петропавлда сот қызметкерлерінің Даңқ аллеясы ашылды
Петропавл тұрғыны мүгедектер арбасынан хэндбайк жасады
Самал Есләмова референдумға қатысты
«Жолда қабылдау» акциясы