Бизнесмендердің базынасы

МТРА жаңалықтары

21:58 8 Маусым 2022

Жаңа талап жұмысымызға кедергі! Солтүстікқазақстандық кәсіпкерлер аяқ киімді таңбалауға қарсылық білдіріп жатыр. Айтуларынша, өткен жылдың қарашасында пайда болған мұндай міндетті жұмыс күш-жігерді, қосымша қаржыны талап етеді.

АНГЕЛИНА ТУРМАНАУЛИ, кәсіпкер:
– Мен сияқты кәсіпкерлер жұмыстарын түпкілікті тоқтатып, сауда саласынан қол үзуге мәжбүр болып отыр. Ары қарай не істейтінімізді білмейміз? Есепшіні, IT маманды, сатушыны және кассирді жалдау оңай шаруа емес. Бұлай жұмыс істей алмаймыз.

Біреу тоңып секіреді, біреу тойып секіреді. Қазір қоғамда аяқ киімді таңбалаудан пайда көріп жатқандар да бар екен. Олар өз қызметтерін жай да не істерлерін білмей жүрген кәсіпкерлерге ұсыныпты. Бірақ, бағалары бас шайқатады.

КАМИЛЬ БЕКТЕМИРОВ, кәсіпкер:
– Делдалдық қызмет ұсынатын фирмалар қаптап кетті. Олардың өкілдері бізге жүктелген істің барлығын өзіміз тындырамыз деп отыр. Бірақ, әр жұпқа 2 мың теңге алмақшы. Бұдан кейін баға шарықтамай қайда барады? Мемлекеттік органдар, Қазақтелеком бұл талап контрафактілік өнімдермен күрес үшін күшіне енді дейді. Ал бізде кеден қызметі бар емес пе? Заңға сәйкес салық төлейміз. Түптеп келгенде, біз тауарды сырттан әкелмейміз, Қазақстанда сатып алып, тұрғындарға саудалаймыз.

Бизнесмендердің бармаған жері, баспаған тауы жоқ. Олардың базынасын облыстық кәсіпкерлер палатасының өкілдері тыңдапты. Мәселені шешудің алғашқы қадамдары жасалыпты.

ЛИНА ЕРМОЛАЕВА, СҚО кәсіпкерлер палатасының сарапшысы:
– Бұл пилоттық жобаға бөлшек сауда өкілдері қатыспаған. Мәселе жан-жақты қаралмаған. Біз базынаны Қазақстан Республикасының Премьер-Министріне жеткіздік. Алайда, әлі күнге дейін қолдау көрсетілмей жатыр.

Кәсіпкерлер Үкіметтен қолдау күтеді. Олар көптің көңілінен шықпаған талаптың жақын арада күшін жойғанын қалайды.

Байболат Култанов

Бұдан әрі оқыңыз

Маусым айына арналған ауа райы болжамы
“Арман” орталығының ұл-қыздары Балаларды қорғау күнін атап өтті
Ғ.Мүсірепов ауданында жаңа учаскелік полиция пункті ашылды
Саяси қуғын-сүргін құрбандарын еске алуға арналған отырыс
Өңірге «AT TRAVEL» ат клубы экспедициямен келді
«Жолда қабылдау» акциясы
МТРК жаңалықтары 16.06.2022
Петропавлда алаяқтар бір күнде 12 адамға телефон шалған
Қыстың қамын жаз ойла
Петропавлда Сурдлимпиада ойындарының жүлдегерлері марапатталды
Тайынша ауданында 600 орынға шақталған жаңа мектеп салынбақ
Елімізде зейнетақының орташа мөлшері 105 мың теңгеден асты