Есірткіге жол жоқ

МТРА жаңалықтары

21:55 2 Маусым 2022

Облыста жыл басынан бері заңсыз айналымнан 18 келіден астам түрлі есірткі тәркіленіп алынды. Наша жарнамаланған 100-ге тарта сайт анықталды. Есірткі атаулының жолын тыюда осындай нақты іс-әрекеттерден бөлек профилактикалық шара жүргізген де тиімді дейді тәртіп сақшылары.

“Балалар жылы” аясында мамандар қоғам белсенділерімен бірге жасөспірімдерді кинотеатрға жиып, тұз бен спайстың зияны жөнінде фильм көрсетті. Шара 400-ден астам жасты қамтыды.

Бауыржан Әбділманов – СҚО ПД есірткі қылмысына қарсы іс-қимыл басқармасының жедел уәкілі

– Есірткі қылмысына қарсы іс-қимыл басқармасыы Халықаралық нашақорлыққа қарсы күрес күніне арналған жасөспірімдер арасында «Есірткісіз болашақ» атты кезекті іс-шара ұйымдастырды. Балаларды кинотеатрға шақырып, синтетикалық есірткі туралы фильмнің екі бөлігін көрсеттік.

Есірткі адамның денсаулығына ғана емес, оның болашағына балта сілтейді. Нашақордың көзін шел басып, жүрегіне тат түседі. Шамамен 1 сағатқа созылған фильмде қылмыскерлердің қитұрқы әрекеттері, адамды адастыратын жолдан алыс болу қажеттігі туралы баяндалады. Соңында көрмендерге жадынамалар таратылды.

Гүлнұр Саматилаева – оқушы

– Есірткі – бұл адамның дұшпаны екеніне көз жеткіздім. Өйткені, мен есірткі туралы тек қана фильмдерден көрген едім. Ал қазір өзімнің қаламда болып жатқан кадрларды көргенде корқынышты сияқты.

Облыста оқушылар мен студенттер арасында жыл басынан бері 100-ге жуық алдын алу шарасы ұйымдастырылған.

Данаш Хамзина

Бұдан әрі оқыңыз

Маусым айына арналған ауа райы болжамы
ЕС-164/3 түзету мекемесінде ашық есік күні өтті
Ауылшаруашылық жобаларды қаржыландыру
«Eurasian Milk» зауытында ірімшіктің 5 түрі жасалады
Жемқорлықпен күрес
МТРК жаңалықтары 03.06.2022
МТРК жаңалықтары 27.06.2022
МТРК жаңалықтары 15.06.2022
Биыл Есіл ауданында 6 млрд теңгеге 6 жоба іске асырылмақ
Шетелде жүрген 5 мың қазақстандық дауыс берді
Өңірде егістік науқаны аяқталуға жақын
Петропавлда Мағжан туралы телесериалдың түсірілімі бастау алды