Петропавлда грек-рим күресінен республикалық турнир өтіп жатыр

Спорт

22:27 1 Маусым 2022

Петропавлда грек-рим күресінен республикалық жарыс өтіп жатыр. КСРО-ның спорт шебері Василий Левчукті еске алуға арналған додаға еліміздің түкпір-түкпірінен 16 команда жиылды.

Ашылу салтанатынан кейін кілемге 52 келі салмақ дәрежесіндегі палуандар шықты. Қазір ортада семейлік жас пен қарағандылық өзара финалға жолдаманы сарапқа салуда. Саңлақтар бір-біріне дес бермей тіресуде.

Жан алысып, жан беріскен бұл кездесуде семейлік Диас Кертайдың мысы басым болды. Жасөспірім жарыстың ақтық кезеңіне жолдама алды.

Диас Кертай – жарысқа қатысушы, Семей қаласы
– Жарыс жақсы болды, қарсыластырымды жақсы ұттым. Өзім 4 схватка жасадым, финалға шықтым. Финалда 5-ші схватка болады. Осы жарыс 2-ші сыныптан бастап грек-рим күресіне келдім.

Өңір намысын Мақсат Нұрланов абыроймен қорғауда. Әзірге, бұл жарыста жеңілістің кермек дәмін татпаған жерлесіміз қарсылас шақ келтірмеуде.

Мақсат Нұрланов – жарысқа қатысушы, Петропавл қаласы
– Мен осы жарысқа көп дайындалдым. Менің жеңген әдіс-тәсілім 2 ұпайлық болды. Қол байлау әдісімен оны жықтым.  1 ай дайындалып жаттығу жасадым. Спорт түрімен 10 жыл айналысып келемін.

Василий Левчукті еске алуға арналған республикалық турнир өңірімізде осыменен 5-ші рет өтуде. Биылғы жылы бұл жарысқа грек-рим күресімен шұғылданып жүрген 168 палуан қатысып отыр.

Алек Левчук – Василий Левчуктің ұлы
– Осы турнирге спортышлар пандемияға дейін, тіпті, Украина, Ресей, Қырғызстан мен Тәжістан елдерінен келіп қатысатын. Ал соңғы 2 жыл бойы қазақстандық палуандар ғана бас қосып жүр. Соның өзінде қатысушылардың қатары артып келеді.

Василий Левчукті еске алуға арналған турнирдің соңында жүлдегерлер грамота және медальмен марапатталады.

Самал Жунусова

Бұдан әрі оқыңыз

Кәсіпқой бокстағы жерлесіміздің кезекті жеңісі
“Qyzyljar” ФК УЕФА-дағы ықтимал қарсыластары белгілі болды
Муайтайшылар әлем чемпионатында жүлделі орынға ие болды
Жергілікті НЗМ-де спартакиада өтті
Жеңіліс…
Петропавлда Халықаралық йога күні аталып өтті
Өңір намысын абыроймен қорғаған тайыншалықтар
Петропавлда Халықаралық Олимпиада күніне орай веложарыс өтті
Семсерлесуден ел чемпионаты өтіп жатыр
«Қызылжар-2022» фестивалі өтті
БАҚ өкілдері арасында спартакиада өтті
Жергілікті алаңдағы жеңіс