Назарбаев Зияткерлік мектептері арасында футзалдан спартакиада өтіп жатыр

Спорт

21:59 30 Мамыр 2022

Аяқдопшы ұл-қыздардың сайысы. Бүгін Петропавлда Назарбаев Зияткерлік мектептері арасында футзалдан спартакиада бастау алды. Іс-шараға еліміздің түкпір-түкпірінен 16 команда доп тебуден бәсекелесуге келді.

Алғаш болып алаңға Орал мен Көкшетау қалаларынан келген спортшылар шықты. Қос команда – өз мектептерінің ішіндегі іріктеуден топ жарған құрамалар. Бүгінгі жарысқа қыздар тыңғылықты дайындалыпты. Олар 10-10 минуттан 2 тайм бойы өзара мықтыны анықтады. Оқушылар бір-бірінің қақпасына қарқынды шабуылдап, көп рет гол соғатын мүмкіндік туғызды. Алайда есеп 0 де 0-мен аяқталды.

Аружан Хуан, физика-математика бағытындағы НЗМ оқушысы, Орал қаласы:

– Осы ойында жеңіске жетуге аз уақыт қалды. Бірақ, бізге кішкене шапшаңдық жетіспеді. Келесі кездесуде ұтамыз деп ойлаймын.

Спартакиадаға 7-ші мен 8-ші сынып оқушылары қатысып жатыр. Ұл-қыздар футзал ойынының жеңілдетілген ережесі бойынша доп тебуде. Әр командада 8 адамнан бар.

Аида Ағаділ, Назарбаев Зияткерлік мектептерін дамыту департаменті директорының орынбасары:

– Бұған дейін 4 өңірде аймақтық ойындар өткен. Содан топ жарған оқушылар бүгін бір-бірімен бәсекелеседі.

Спартакиада 3 күнге жалғасады. Ойын соңында жеңімпаздар кубок, медаль және түрлі дәрежедегі мақтау қағаздарымен марапатталады.

Бердимурат Баймухан

Бұдан әрі оқыңыз

Петропавлда Халықаралық йога күні аталып өтті
Петропавлда Халықаралық Олимпиада күніне орай веложарыс өтті
“Qyzyljar”-дың қарсыласы белігі болды
Жүзушілер ел біріншілігінен жүлделі оралды
Өңір намысын абыроймен қорғаған тайыншалықтар
БАҚ өкілдері арасында спартакиада өтті
«Қызылжар-2022» фестивалі өтті
3 ұпай қоржынға түсті
“KUANISH” қыздары тарап жатыр
Муайтайшылар әлем чемпионатында жүлделі орынға ие болды
Кәсіпқой бокстағы жерлесіміздің кезекті жеңісі
Жеңіліс…