Жергілікті университет ұжымы референдумға дайындалуда

МТРА жаңалықтары

22:18 25 Мамыр 2022

Қозыбаев университетінде алда өтетін референдум туралы жиын өтті. Оған 30-дан астам студент қатысты. Жастарға саяси науқанның мән-маңызы жайлы айтылды.

Референдум жайлы не білесіңдер? Қалалық жастар ресурстық орталығының жетекшісі Әлфараби Мыңбайдың қойған сұрағына жастардың бірде-бірі жауап бере алмады. Бұған не себеп? Жас та болса, бас болып жүрген қоғам белсендісі ойын былай жеткізді.

Әлфараби Мыңбай, қалалық жастар ресурстық орталығының жетекшісі:

– Кей жағдайға байланысты жастарымыздың бір бөлігі референдум туралы түсінбейді. Неге? Себебі, студент жастарымыздың көбісі 95 жылғы референдумнан кейін өмірге келген. Жастарымыздың көбісі референдумға тұңңыш рет қатысып жатыр.

Олқылықты түзеу қажет. Ол үшін жастар арасында референдум тақырыбында жиындар өткізіп, саяси оқиға жайлы кеңінен баяндау керек. Осындай іс-шараның бірі университет қабырғасында ұйымдастырылып отыр. Мұнда Ата заңға енгізілетін өзгерістер туралы рет-ретімен айтылды. Болашақта елімізде өлім жазасына түпкілікті тыйым салынуы мүмкін. Тағы мемлекет басшысының өкілеттігі де біршама өзгермек.

Александр Зель,  «AMANAT» партиясы «Болашақ» филиалының атқарушы хатшысы:

– Біздің мемлекетіміз алдағы уақытта азаматтық қоғам мен мемлекеттік билік арасындағы өзара іс-қимылдың мүлде басқа бейнесіне, моделіне ие болады. Елде жаңа саяси жүйе құрылады.

5-ші маусымда университет қабырғасында да дауыс беру ұйымдастырылады. Бұл күні 2-ші және 6-шы оқу корпустарында білім ордасының ұжымына, студенттерге және жақын маңда тұратын азаматтарға арналып құрылған сайлау учаскелері жұмыс істейді.

Бұдан әрі оқыңыз

Өңірде референдум барысында заң бұзушылық тіркелген жоқ
Мемлекеттік рәміздерге – 30 жыл
“Петропавл” желілік өндірістік-диспетчерлік бекетінің жұмысы
Мемлекеттік қызметкерлерді құттықтау
МТРК жаңалықтары 10.06.2022
Президент: тәуелсіз Қазақстанның даму тарихында жаңа дәуірге жол ашылды
Аққайың ауданында дене шынықтыру-сауықтыру кешені ашылды
Тайыншада жол жөнделіп жатыр
Дүкен сөрелеріндегі ойыншықтардың дені тиісті талапқа сай келмейді
Инвестиция тарту
«Солтүстік Қазақстан және Алаш» кітабының таспасы қиылды
Ұлттық бірыңғай тестілеу