Заңды бұзған аңшыға қомақты айыппұл салынады

МТРА жаңалықтары

23:17 19 Мамыр 2022

 

Шал ақын ауданында ер адам құс атып жүрген жерінде қолға түсті. Жалтыр ауылына жақын жердегі көлдің жанынан өтіп бара жатқан табиғатты қорғау полициясының қызметкерлері мылтықтың дыбысын естіп қалады.
Барса, көрші Тимирязев ауданының үш тұрғыны ешбір құжатсыз суда жүзетін құстарды аулап жүрген. Атылған мылтықтың иесі – 36 жастағы ер адам. Қару еш жерде тіркелмеген. Ауыл тұрғыны ҚР Әкімшілік құқықбұзушылықтар туралы кодексінің 482-ші бабы бойынша жауапқа тартылады. Іс сотқа жолданған, ер адам 20 айлық есептік көрсеткіш – 61 мың теңгеден астам сомада айыппұл төлеуі мүмкін.
Сондай-ақ, аң аулау ережелерін бұзу фактісі бойынша үшеуіне Әкімшілік құқықбұзушылықтар туралы кодексінің 382-ші бабы бойынша хаттама толтырылды. Еске сала кетейік, мамырдың 7-сінен бастап облыс аумағында суда жүзетін құстарды атуға тыйым салынған. Жыл басынан бері өңірде аң аулау ережелерін бұзуға қатысты 330-ға жуық, ал балық аулау тәртібін бұзуға қатысты 170-тен астам жайт тіркелген.

Данаш Хамзина

 

Бұдан әрі оқыңыз

“Стоп ДТП” шарасы
Облыс әкімі жұмыс сапарымен Мамлют ауданында болды
“Туған елге тағзым” шарасы
«Шұғыл шақырту» бағдарламасы 04.06.2022
Өнеркәсіп пен құрылыс қарқыны
Тұрғындар бірнеше көшенің жабылғанына наразы
Мүгедектігі бар жандарды жұмыспен қамту
Майнерлер ел бюджетіне 652 млн теңге аударды
Мәдениет және өнер қызметкерлері құрметке бөленді
Мемлекеттік қолдаудың көмегімен кәсібін кеңейтті
Болашақтың полицейі қандай болуы тиіс?Болашақтың полицейі қандай болуы тиіс?
Облыстық қоғамдық кеңес отырысы