5-ші маусымда республикалық референдум өтеді

МТРА жаңалықтары

22:11 6 Мамыр 2022

Кеше Мемлекет басшысы Қасым-Жомарт Тоқаев халыққа бейнеүндеу жолдады. Өз сөзінде Президент саяси жаңғыру туралы бағдарламаны тілге тиек етіп, конституциялық реформа жүргізу қажеттігін айтты.

«Бұл халықтың көп жылғы талап-тілегінен туындап отыр. Азаматтарымыз мемлекетті басқару ісіне қатысуға кең мүмкіндік берілгенін қалайды. Сондай-ақ саяси үдерісті түбегейлі демократияландыру қажет деп санайды. Мұны тиімді жүзеге асыру үшін Ата заңымызға өзгерістер енгізу қажет» деді Қасым-Жомарт Тоқаев. Бір сөзбен айтқанда, Ата заң баптарының үштен бірі өзгереді. Яғни, Конституция мүлде жаңа сипатқа ие болмақ. Мемлекет басшысы Конституцияға өзгерістер мен толықтырулар енгізу мақсатында 5 маусымда республикалық референдум өткізу туралы Жарлыққа қол қойды.

Қасым-Жомарт Тоқаев – Қазақстан Республикасының Президенті:
– Біз бәріміз бір ел болып Жаңа Қазақстанды, Әділетті Қазақстанды құрамыз. Әрбір азаматтың құқығы қорғалатын мемлекет боламыз. Бәріне бірдей мүмкіндік береміз. Әркім қарым-қабілетіне сай қоғамнан өз орнын иеленеді. Халықтың ой-санасы жаңғырып, өмір салты өзгереді. Біз мемлекеттік жүйені жетілдіріп, қоғам мен биліктің тиімді диалогын орнатамыз. Осылайша, Екінші Республиканы қалыптастырамыз. Конституциялық реформа мұның бәрін табысты жүзеге асыру үшін қажет.

Бердимурат Баймухан

Бұдан әрі оқыңыз

“Бүгін” бағдарламасы 22.04.2022
ҰОС ардагері Василий Сухомлинов 100 жасқа толды
МТРА жаңалықтары 04.05.2022
“Бүгін” бағдарламасы 21.04.2022
ПРЕЗИДЕНТ ТАПСЫРМАЛАРЫНЫҢ ОРЫНДАЛУЫН АРНАЙЫ МОНИТОРИНГТІК ТОП ҚАДАҒАЛАЙДЫ
«Қауіпсіздік сағаты» шарасы
“Бүгін” бағдарламасы 28.04.2022
“Бүгін” бағдарламасы 29.04.2022
Референдумды қоғамдық қолдау штабының мүшелері мектептерді аралап жүр
Айыртау ауданының әкімі есеп берді
МТРА жаңалықтары 12.05.2022
ҰОС ардагерлеріне Ұлы Жеңіс күніне орай 1 млн теңгеден берілді