“Электрондық еңбек биржасы” порталындағы өзгерістер

МТРА жаңалықтары

23:28 29 Сәуір 2022

Екі қолға бір күрек таппай жүрсеңіз, “Электрондық еңбек биржасы” порталы арқылы еңбекпен қамтылыңыз! Бүгінде аталған жүйеде өңіріміз бойынша 2 мыңға тарта вакансия көрсетілген. Оларды 800-ден астам солтүстікқазақстандық жұмыс беруші ұсынып отыр.

Статистикаға сүйенсек, қазіргі таңда облысымызда ауыл шаруашылығы қызметкерлеріне, құрылысшыларға, дәрігерлерге және мұғалімдерге сұраныс аса жоғары. “Электрондық еңбек биржасына” жыл артқан сайын өзгерістер енгізілуде. Бұл күні азамат тізімнен өзі іздеген қызметті тауып, қашықтықтан өтінім білдіреді. Осы сәтте жұмыс берушінің жеке кабинетіне хабарлама түседі. Бұдан соң, қызмет ұсынушының өзі тұлғаға хабарласып, таныстық орнатады. Яғни, қазір хабарландыру бойынша қоңырау шалудың немесе кеңсе аралаудың қажеті жоқ. Порталдың көмегімен мемлекеттік қолдауларға да қол жеткізуге болады. Мұндай жаңашылдық өткен жылдың соңында пайда болыпты.

Әлия Шәйкенова, СҚО жұмыспен қамтуды үйлестіру және әлеуметтік бағдарламалар басқармасының бас маманы:

– Порталға тіркелген жандар жұмыстан қысқартылған немесе өз еркімен жұмыстан кеткен жағдайда өтінім білдіре алады. Сол өтінім бойынша әлеуметтік төлем рәсімделеді. Бүгінде мемлекеттен субсидияланатын вакансиялар бар. Мұндай бос жұмыс орындары “Жастар тәжірибесі”, “Ұрпақтар келісімшарты”, “Күміс жас” сынды жоба қатысушыларына ұсынылады. Міне, соларды онлайн режимде қарауға болады. Тағы, портал арқылы өзге өңірге немесе облыс ішінде көшуге ниетті жандарға ақыл-кеңес беріледі.

Байболат Култанов

Бұдан әрі оқыңыз

КОНСТИТУЦИЯЛЫҚ ӨЗГЕРІСТЕРДІ ТҮСІНДІРУ ЖӨНІНДЕ АРНАЙЫ ТОП ҚҰРЫЛДЫ
Жеңіс саябағында “Достық” аллеясы ашылды
Қалалық мәслихаттың сессиясы өтті
Геология саласының жай-күйі мен оның дамуы туралы баяндалды
Аққайың ауылдық округіне жаңа әкім сайланды
Ақжар ауданының әкімі өткен жылы атқарған жұмысын қорытындылады
«Шұғыл шақырту» бағдарламасы 21.05.2022
Жүк көлігінің жүргізушісі 2 жылқы мен 6 қойды соғып кетті
Бөкетов көшесінде жөндеу жұмыстары жүріп жатыр
Петропавлда ювеналдық полиция есебінде 80 отбасы тұр
Облыс әкімі Құмар Ақсақалов мәселесі көп үйдің тұрғындарымен кездесті
ЕЛІМІЗДЕ МАУСЫМНЫҢ 5-І КҮНІ РЕСПУБЛИКАЛЫҚ РЕФЕРЕНДУМ ӨТЕДІ