Қылмыстық-атқару жүйесінің мамандарына арналып семинар өткізілді

МТРА жаңалықтары

23:51 27 Сәуір 2022

Бүгінгі семинарға Дина Бектемірова да қатысып отыр. Бұрымды осыдан 4 жыл бұрын Қозыбаев университетіннің педагогика және психология мамандығын тәмамдаған. Қолына дипломын алған жас маман еңбек жолын тергеу изоляторында психолог ретінде бастаған екен. Ал осыдан бірер ай бұрын ЕС-164/3 мекемесіне жұмысқа орналасқан.

Дина Бектемірова, ЕС-164/3 мекемесінің инспектор-психологы:

Сотталғандарға мекемеге келген күні жаңа ортаға бейімделуіне көмектесемін. Түрлі психологиялық-профилактикалық әңгімелесу шараларын өткіземін. Әрине, жұмысым оңай емес. Қазіргі таңда мекемемізде 700 сотталушы бар. Олардың әрқайсысымен жеке жұмыс істеу керек. Себебі, әр сотталушының мінез-құлқы әр түрлі.

Бүгінгі семинарға қатысып отырған жандардың барлығы – Дина Бектемірова сынды жас мамандар. Әрқайсысының жұмыс өтілі 3 жылдан аспайды. Жиын барысында оларға қылмыстық-атқару жүйесіндегі тәжірибесі мол психолог, психиатрлар өз білген- түйгендерін айтты. Жалпы, сотталғандармен жұмыс істейтін жандармен мұндай іс-шаралар бір айда бір рет өткізіліп тұрады екен.

Светлана Борисенко, СҚО бойынша ҚАЖД аға инспектор-психологы:

Қылмыстық-атқару жүйесінде тер төгіп жүрген адамдар күнделікті түрлі жағдаймен бетпе-бет келеді. Сол себепті, жас мамандарға демеу көрсетіп, тәжірибесі мол жандармен кездесу ұйымдастырып отыру қажет. Жалпы, бұл сала қызметкерлері қандай да бір агрессивті әрекеттерге тойтарыс бере алуы керек. Сондай-ақ, сотталғандар тарапынан келген арандатушылыққа бой алдырмауы тиіс.

Бүгінгі семинарға қылмыстық-атқару жүйесінің 25 маманы қатысты. Айта кету қажет, қазіргі таңда облыстағы түзету мекемелерінде 1400 сотталушы отыр.

Алдияр Айтпаев

Бұдан әрі оқыңыз

Әлеуметтік кәсіпкерлер қатары толықты
Ақжар ауданының әкімі өткен жылы атқарған жұмысын қорытындылады
Жеңіс саябағында “Достық” аллеясы ашылды
Қаладағы көшелерде қозғалыс шектелмек
Зарқын Тайшыбайдың 80 жасқа толуына арналған іс-шара өтті
Сапаржайда жаңа бағыттар ашылды
Петропавлда ювеналдық полиция есебінде 80 отбасы тұр
Өңірде интернет-алаяқтық тыйылмай тұр
Ауыл әкімдерін халық сайлау – көңілден шыққан бастама
Петропавлда жетімдер баспана кезегінен шығарылып тасталған
“Қызылжар су” серіктестігінің басшылығы өткен жылды қорытындылады
СҚО-да соңғы 4 айда балалардың қатысуымен 4 жол-көлік оқиғасы болды