Беларусь аяқ киімдерінің жәрмеңкесі жалғасуда

Әр түрлі

0:04 26 Сәуір 2022

Жағымды жаңалықты естіп, бірден сауда нүктесіне келген қала тұрғындарының бірі – Қалима Салиқова. Азаматша өзіне жазғы аяқ киім іздеп жүр екен. Көңілінен шыққан тауарды бірден тауып алыпты.

Қалима Салиқова, қала тұрғыны:

– Менің табан сүйегімнің ерекшелігіне қарай аяқ киім таңдау қиын. Ал мұндағы тауарлар ыңғайлы, сапасы да жақсы екені көрініп тұр. Сондықтан, өзіме ортопедиялық аяқ киім сатып алдым.

Менеджерлер әр тауардың неден жасалғанын айтып, ақыл-кеңес беруге, аяқ киім таңдасуға дайын. Мысалы, мына шетелдік өнім жазға арналған. Саудагерлердің айтуынша, жақында жеткізілгенімен 15 жұптан 8-і ғана қалыпты.

Иван Войтенко, сату жөніндегі менеджер, БР:

– Мына аяқ киім өте ыңғайлы. Бауы жоқ, жеңіл әрі жұмсақ. Басты ерекшелігі – тауар ортопедиялық негізде жасалған. Бұл табаны жалпақ, сүйегі шығыңқы келген адамдарға дәл келеді.

Тұтынушылар арасында таза былғарыдан жасалған өнімге сұраныс жоғары екен. Келушілер аяқ киімнің сапасымен қатар, бағасының тиімділігіне де қызығушылық білдіруде. Жалпы ақпар, жәрмеңкеден әйелдерге арналған тауардың 35 пен 43, ал ерлерге 40 пен 49 аралығындағы өлшемдерін табуға болады

Елизавета Пливцева, сату жөніндегі менеджер, БР:

– Әр тауардың үлгісі әр түрлі. Басым бөлігі ортопедиялық болғандықтан, негізінен аға буын өкілдері арасында сұранысқа ие. Қазір жазғы аяқ киімге қажеттілік артып келеді. 700-ге жуық жұп қалды. 500-ге жуығын саттық.

Беларусь аяқ киімдерінің жәрмеңкесі шаһарда мамырдың 1-іне дейін жалғасады. Тұрғындар қажетті тауарды Уәлиханов көшесі, 15А мекенжайы бойынша тұрған нысаннан таба алады.

Самал Жунусова

Бұдан әрі оқыңыз

Петропавлда облыстық “Тіл шебері” байқауы өтті
Петропавлда Беларусь аяқ киімдерінің жәрмеңкесі жалғасуда
Референдум – халық талабының жауабы
Еңбек, әлеуметтік қорғау және көші-қон комитетінің облыстық департаментінде ашық есік күні шарасы өтті
Дауылдың салдары
Петропавлда жалпықалалық сенбілік өтті
Өңірде референдумды қоғамдық қолдау штабы құрылды
Қазақстан полициясы күніне орай ардагерлерге құрмет көрсетілді
Повозочное ауылының тұрғындары “AMANAT” партиясына жүгінді
Петропавл мен Сергеев су қоймаларына шабақ жіберіліп жатыр
Жеңіс саябағына шырша көшеттері отырғызылды
Ұлы Жеңіс күні қарсаңында соғыс ардагеріне құрмет көрсетілді