Облыста мал ұрлығы азайды. Өткен жылдың қорытындысы бойынша статистика тең жартысына кеміген.
2020 жылы өңірде мал ұрлауға қатысты 47 факті тіркелсе, былтыр 29 жағдай анықталған. Ал биыл небәрі 3 факті болыпты.
Полиция қызметкерлерінің айтуынша көп жағдайда мал далада қараусыз қалған жерінде қолды болады екен. Осы орайда 2020 жылы ҚР ҚК-іне “Мал ұрлау” деген атаумен жаңа бап енгізілген. Онда төрт түлікті қолды қылған адамға қатысты 3 мың АЕК-ке дейін айыппұл салу, тіпті, 5 жылға дейін бас бостандығынан айыру жазасы қарастырылған. Ал малын жайылымға өздігінен жібере салған жанға 3 АЕК көлемінде айыппұл салынады. Мандардың айтуынша бұл шаралар мал ұрлығының азаюына ықпал етіп отыр.
Данаш Хамзина