“Солтүстік Қазақстанның киелі жерлері” картасы кеңейтілді

МТРА жаңалықтары

1:12 15 Сәуір 2022

Ақжолтай жаңалық! “Солтүстік Қазақстанның киелі жерлері” картасы кеңейтілді. Жақында тізімге 1918-ші жылдың жазында Алаш қайраткерлерінің қатысуымен жиын өткен жер қосылды.

Арнайы комиссия мақұлдаған тарихи орын республикалық маңызға ие. Ол Жамбыл ауданына қарасты Петровка ауылының маңында орналасқан. Бір кездері бұл мекенде төңірекке төрт түлігі сыймаған қазақтан шыққан алғашқы миллионер Әлти байдың жайлауы болыпты. Осы кісі қаржы бөліп, алқалы басқосуды ұйымдастырған екен. Қоғам қайраткері Міржақып Дулатов сөз сөйлеген іс-шараға жергілікті және Атбасар, Көкшетау, Омбы мен Қорғаннан келген жалпы саны 10 мыңдай адам қатысыпты. Жиынның қорытындысы бойынша Алаш армиясы құрылған. Әскердің жасақталғаны туралы деректер Мағжан Жұмабаевтың еңбектерінде кездеседі.

Назерке Рамазанова, Солтүстік Қазақстан мемлекеттік архивінің архивисі

– Бұл іс-шараның негізгі мақсаты қазақ жігіттерінен әскер құру болған. Алаш қайраткерлері осылайша большевиктерге қарсы тұруды және ішкі тұрақтылықты қамтамасыз етуді көздеген. Саяси қуғын-сүргін құрбандарын зерттеу бойынша тағы бір жаңалығымыз бар. Тимирязев ауданынан “Байқала” атауымен тарихта қалған байлардың лагері табылды. Бұл лагерден мал-мүліктері тәркіленген байлар еліміздің басқа өңірлеріне жіберіліпті.

Байболат Култанов

Бұдан әрі оқыңыз

Ұлттық ұлан Әскери академиясында ашық есік күні өтті
Бөкетов көшесінде жөндеу жұмыстары жүріп жатыр
МТРА жаңалықтары 16.05.2022
СҚО-да жыл басынан бері жануарлардың қатысуымен 3 жол-көлік оқиғасы болды
13 ауылдық округте әкім ауысты
СҚО ПД МУЗЕЙІНІҢ КӨШПЕЛІ КӨРМЕСІ ОБЛЫСТЫҚ МУЗЕЙДЕ ҚАНАТ ЖАЙДЫ
Облысқа ҚР Парламенті Мәжілісінің депутаты Ерлан Сайыров келді
Геология саласының жай-күйі мен оның дамуы туралы баяндалды
Қалада «SOS» бағандары жұмыс істеп тұр
Қалада абаттандыру ережелерін бұзғандарға қатысты 1,5 мың хаттама толтырылған
Қазақстан Ресеймен теміржол қатынасын кезең-кезеңімен жандандырады
Мал шаруашылығын дамыту