“Звонница” орыс және казак әндері халық хорына – 30 жыл

Мәдениет

23:29 11 Сәуір 2022

“Звонница” орыс және казак әндері халық хоры концерттің шымылдығын “Дорогая” туындысымен ашты.

Шығармашылық топ қалада өтетін әр концертке қатысады. Өңіріміздің қоғамдық-мәдени өмірімен біте қайнасқан ұжым сонау 92-ші жылы құрылған. 2002-де “Звонница” ансамбліне халық хоры атағы берілді. Бүгінде өнерлі жандарға Сергей Снурницын жетекшілік етеді.

Сергей Снурницын, “Звонница” орыс және казак әндері халық хорының көркемдік жетекшісі:

– Шығармашылық ұжымның құрылғанына биыл 30 жыл толып отыр. Өзім хорға 26 жыл бойы мүшелік етемін. Талай халықаралық байқауға қатысып, жеңімпаз атандық. Бүгінде ансамбль 17 адамнан тұрады. Барлығы – зейнеткерлер. Ұйымшыл ұжымымызға жастар келсе, қуана-қуана қарсы аламыз.

Кеште шығармашылық топ репертуарларынан 20-ға жуық композиция орындады. 1 жарым сағатқа созылған концерттен жиналған қауым мол әсер алғандарын айтты. Өнер ұжымының репертуарында украин және орыс тіліндегі 100-ден астам ән бар.

Дана Ешкенова

Бұдан әрі оқыңыз

Өнер колледжінің түлегі жеке концертін өткізді
Петропавлда “Korpe Fest” халықаралық мега фестивалі бастау алды
“Ізденіс жылдары” кітабы жастарға таныстырылды
«Достық – біздің тірегіміз» атты музейішілік шара бастау алды
Петропавлда Абай және Мағжан оқуларының облыстық кезеңі өтті
Жерлес ақын, жазушы, журналист Ғалым Малдыбаевтың туғанына – 120 жыл
Сәбең театрының сахнасында – елордалық өнерпаздар
Петропавлда “Ұлы дала өркениеті” атты көрме өтті
Жастар театр студиясының жаңашылдығы
Петровка ауылының тұсында ұлттық өнер ұлықталды
Мұғалімдердің актерлік шеберліктері сыналуда
Ер есімі – ел есінде