Күн райына кезек берейік. “Сәуір болмай, тәуір болмас” дегендей биылғы көкек айы Солтүстік Қазақстан облысында қандай болмақ?
Синоптик мамандардың сөзінше сәуірдегі орташа ауа температурасы 5 пен 7 градус жылылықты көрсетеді. Бұл жылдағы нормадан 2 градусқа жоғары. Енді әр онкүндікке жеке-жеке тоқталсақ. Сәуір айының алғашқы онкүндігі солтүстікқазақстандықтар үшін жайма-шуақ күндермен есте қалмақ. Екінші онкүндіктің басында да күн райы оң қабақ танытпақ. Ал айдың ортасына қарай күн қайта суытады. Тіпті, түнгі уақытта сынап бағанасы -7 градусқа дейін төмендейді. Кейін онкүдіктің соңына қарай ауа температурасы тағы жоғарылайды дейді синоптиктер.
Гүлзат Ғазизова, «Қазгидромет» РМК СҚОФ бөлім басшысы:
– Үшінші онкүндікте ауа температурасының түнде 4-9 градус жылыдан, солтүстікте 1 градус жылыдан 3 градус аяз 2 жылыға, облыстың оңтүстік-батысында 5 градус жылыға дейін, күндіз 18-23 градус жылыдан, солтүстікке 15 градус жылыдан 11-16 градус жылыға дейін ауытқуы болжанады. Жауын-шашынның айлық мөлшері норма шамасында күтіледі.
Дана Ешкенова