И.Шухов атындағы кітапханада балаларға арналған апталық өтіп жатыр

Білім

0:17 4 Сәуір 2022

Бұл – “Twister” ойыны. Ұл-қыздар кітапхананың екінші қабатына көтерілу үшін еденде бейнеленген суреттермен жүріп өтулері қажет. Балақайлар алғашқы сынды оңай өткерді.

Ал екінші қабатта балаларды түрлі ертегі кейіпкерлері күтіп алды. Басты рөлде – “Суық жүрек” мультфильміндегі Анна мен Эльза. Олар балғындармен түрлі ойын ойнап, шығармашылық және интеллектуалдық қабілеттерін байқады.

Көңілді атмосфера, қызықты әрі танымдық ойындар. Иван Шухов атындағы кітапхана қызметкерлерінің іс-шараны ұйымдастырудағы мақсаты – балалардық кітап оқуға деген құлшынысын арттыру.

Кенжегүл Маметова, И.П.Шухов атындағы орталық қалалық кітапхананың кітапханашысы:

– Сәуірдің 2-сі Ханс Кристиан Андерсеннің туған күнінде, әлемнің барлық құрлықтарында Халықаралық балалар кітабы күні атап өтіледі. Сондықтан, біздің кітапханада “Ғажайыптар” атты ойын бағдарламасы дайындалды. Бүгін бұл бағдарламаны “АБВГДейка” балабақшасының ұл-қыздары тамашалауда. Іс-шараның басты мақсаты – кішкентай оқырмандарды кітап оқуға баулу.

Балаларға арналған іс-шара апта соңына дейін жалғаспақ. Кітапханашылар мерекелік бағдарламаны қызықтылығын жоғалтпас үшін күн сайын құбылтып отырады.

Дана Ешкенова

Бұдан әрі оқыңыз

Петропавлда робототехникадан облыстық олимпиада өтті
Биыл мектеп түлектері «Қазақстан тарихы» пәнінен емтиханды ауызша тапсырады
2022 жыл – Балалар жылы
БИЫЛ ӨҢІРДЕГІ 86 ОҚУ ОРНЫНДА МЕМЛЕКЕТТІК АТТЕСТАТТАУ ӨТЕДІ
Жаңа Қазақстан: жас педагогтардың рөлі
Инклюзивті білім беру бағдарламасының іске асырылуы
Биыл өңірде 3 мың 387 түлек мектеп тәмамдайды
СҚУ-да Қазақстан халқының бірлігі күніне орай жиын өтті