11 жылдық біліміне емес, телефондарына сеніп барған 168 түлек аудиториядан қуылды.
Ал 63 оқушы маңызды сынаққа мүлдем жіберілген жоқ. Естеріңізге сала кетейік, қаңтардың 25-інен бері елімізде Ұлттық бірыңғай тестілеу өтіп жатыр. Биыл маңызды сынақ «1 тестіленуші, 2 камера және 1 компьютер» қағидасы бойынша жүргізілуде. Яғни, қос бейнебақылау камерасының назарындағы түлек тест жауаптарын еш жерден көшіре алмайды.
Руслан Емелбаев, ҚР Ұлттық тестілеу орталығының директоры:
– Елімізде қысқы Ұлттық бірыңғай тестілеуден өтуге 103 мың 886 оқушы өтінім білдірген. Бүгінге дейін 69 мыңға жуық бала бағын сынап көрді. Қатысушылардың 77% тестілеуді – мемлекеттік тілде, қалғандары орыс тілінде тапсырды. Ағылшын тілінде 186 бала сынақтан өтті.
Бердимурат Баймухан