Өмір бойына көлік жүргізу құқығынан айрылса да темір тұлпар тізгіндеуді доғармаған! Жақында полицейлер Ғ.Мүсірепов ауданында «Daewoo Nexia» машинасын мас күйде басқарған 34 жастағы жергілікті тұрғынды ұстады.
Тергеп-тексеру жұмыстары кезінде оның өткен жылдың мамыр айында істі болғаны анықталды. Былтыр сот ішімдік ішіп, рөлге отырған теріскейліктің 2 жарым жылға бас бостандығын шектеген және өмір бойына көлік жүргізу құқығынан айырған екен. Сөйте тұра, қайта тәртіп бұзған жүргізуші енді қатаң жазалануы мүмкін. Ол 5 жылға дейін сотталуы ықтимал. Айта кеткен жөн, 2021 жылы өңірде мұндай 57 факті тіркелген.
Эльмира Садвокасова