Үкімет Мемлекет басшысының тапсырмаларын іске асыра отырып, депутаттардың, министрлер мен әкімдердің жалақысын көтеруге мораторий жариялау туралы қаулы қабылдады.
Еске салайық, қаңтардың 11-і күні мәжіліс отырысында президент Қасым-Жомарт Тоқаев аталған санаттағы мемлекеттік қызметкерлердің жалақысы «жеткілікті» екенін айтып, олардың еңбекақысын көтеруге бес жылға мораторий жариялау қажеттігін айтқан болатын. Жаңа қаулыға ақпанның 1-і күні қол қойылды.
Қасым-Жомарт Тоқаев, Қазақстан Республикасының Президенті:
– Бұл жаңалық мәжіліс депутаттарына ұнамайтынын түсінемін, бірақ мұны түсіністікпен қабылдайсыздар деген ойдамын. Әкімшілік мемлекеттік қызметшілер мен бюджет қызметкерлерінің жалақысын экономика мен бюджеттің мүмкіндігіне қарай көтеру керек.
Бердимурат Баймухан