Өңірімізде “Pfizer” вакцинасын аламын деушілердің қатары күн санап артып келеді. Әсіресе, жасөспірімдер белсенділік танытып жатыр дейді медицина қызметкерлері.
№2 қалалық емханада күніне 12 мен 18 жас аралығындағы ондаған жас иммундалады екен. Жалпы, бүгінге дейін өңірде 5200-ден астам жасөспірім “Pfizer” вакцинасын қойдырыпты.
Данияр Қабиев, №2 қалалық аурухананың терапевт дәрігері:
– №2 қалалық ауруханада вакцинация науқаны қарқынды түрде жүргізілуде. Жасөспірімдер мен жүкті және бала емізетін аналарға “Pfizer” екпесін қоюдамыз. Ешбірінде жанама әсерлер байқалған жоқ.
Бүгінде 2-ші қалалық емханадағы вакцинация науқаны 3 филиалда жүргізіліп жатыр. Егу кабинеттері таңғы сағат 9:00-дан кешкі 19:00-ге дейін жұмыс істейді.
Алдияр Айтпаев