Ұлтаралық алауыздық қоздырған жігіт жауапкершілікке тартылды! Солтүстік Қазақстан облысының тұрғыны Instagram желісінде қосымша парақша ашып, заңғы қайшы әрекет еткен.
Яғни, түрлі материалдар жүктеп, пікір қалдырып отырған. Жедел іздестіру іс-шарасы барысында аудан орталықтарының бірінде тұратын 20 жастағы теріскейлік құрықталды. Тіркелген фактіге қатысты Қылмыстық кодекстің 174-бабы бойынша іс қозғалды. Айта кетейік, ұлтаралық және дінаралық алауыздық қоздырған жандар ірі көлемде айыппұл арқалауы мүмкін немесе 7 жылға дейін сотталуы ықтимал.
Жастілек Есдәулетов, СҚО ПД Экстремизмге қарсы іс-қимыл басқармасының жедел уәкілі:
– Тергеу жұмыстарынан кейін материал Петропавл қалалық сотына жіберілді. Ол айыпты болып танылды. Оның бас бостандығы 3,5 жылға шектетілді.
Бердимурат Баймухан