Петропавл тұрғындарының құлағына алтын сырға! Бүгін Алтын Арман, Дария, Корона, Привокзальный және коммуналдық базарларында ауыл шаруашылығы жәрмеңкелері бастау алды. Шара желтоқсанның 30-ына дейін жалғаспақ. Сауда орындарына 13 ауданнан табиғи таза, балғын өнімдер жеткізілді. Бастысы тауарлардың барлығы дүкен және супермаркетпен салыстырғанда төменделген бағамен сатылуда.
Атап айтсақ, 1-ші санаттағы жұмыртқаның ондығын – 330, екінші санаттағысын 250 теңгеге алуға мүмкіндік бар. Сондай-ақ, жылқы, сиыр, қой, құс етін аламын деушілерге де жәрмеңкеге асыққан жөн. Себебі, тауық етінің 1 келісі – 950, үйректікі – 1600, ал қаздыкі 2200 теңгеден саудалануда. Сөрелерден сүт өнімдері, балық, бал мен көкөністің түр-түрін табуға болады.
Эльмира Садвокасова