Петропавлда іскер әйелдер бас қосты

МТРА жаңалықтары

22:47 15 Желтоксан 2021

Өрлеу заманы! Осындай атаумен жергілікті «Атамекен» Ұлттық кәсіпкерлер палатасы жанынан құрылған іскер әйелдер кеңесінің форумы өтті. Іс-шараға өңірдің 20-дан астам бизнесвумені қатысып, бизнес-жобаларды жүргізу тәжірибесімен бөлісті, саладағы қиындықтар мен жетістіктер туралы әңгімеледі. Сондай-ақ, жиында кәсіпкерлерге арналған «Бастау», «Еңбек», «Жас кәсіпкер», «Бизнестің жол картасы» сынды бағдарламалар жайлы айтылып, жас іскер жандарға көрсетілетін қаржылық қолдау жөнінде баяндамалар оқылды. Жалпы, өңірімізде өз ісін ашып, кәсіптен нәсіп табуды қалайтын қыз-келіншектердің саны жылдан-жылға артып келеді. Бүгінде облыста 30 мыңнан астам орта және шағын бизнес субьектісі болса, соның үштен біріне нәзікжандылар жетекшілік етеді.

Ғалия Баязитова, облыстық кәсіпкерлер палатасы жанынан құрылған іскер әйелдер кеңесінің мүшесі

– Бүгін біздің жыл сайын ұйымдастыратын конференциямыз өтті. Жиынның басты мақсаты – жастарды, әйелдерді кәсіпкерлік бағытқа тарту. Жастарға тәлім-тәрбие беру. Бұл іс-шара – үлкен жетістігіміздің дәлелі.

Дана Ешкенова

Бұдан әрі оқыңыз

“Бүгін” бағдарламасы 30.12.2021
“Бүгін” бағдарламасы 20.01.2022
Газ бағасы төмендетілді
Араға бір жарым жыл салып беті ашылған қылмыс
Петропавлдағы сәбилер үйінің ашылғанына – 100 жыл
Жаңа жылды жұмыста қарсы алатын жандар